Aflarinn

Notkunarskilmálar Aflarans

1. gr.

Notkunargjald

Fyrir aðgang að hugbúnaði og þjónustulausn Aflarans (hér eftir: hugbúnaðurinn) greiðir notandi mánaðargjald í samræmi við gjaldskrá Aflarans á hverjum tíma. Gegn greiðslu mánaðargjalds fær notandi aðgang að hugbúnaði Aflarans og er því ætlað að standa straum af notkun, rekstri, þjónustu og hýsingu. Reikningar Aflarans skulu vera í samræmi við þjónustuleið notanda og gefnir út samkvæmt gildandi reglum. Greiði notandi ekki reikninga á eindaga áskilur Aflarinn sér rétt til að innheimta hæstu mögulegu dráttarvexti frá gjalddaga.

2. gr.

Breytingar á gjaldskrá

Gjaldskrá Aflarans er bundin vísitölu neysluverðs og er hún uppfærð til samræmis við vísitöluna í lok hvers ársfjórðungs. Geri Aflarinn breytingar á gjaldskrá sinni umfram vísitölubreytingar skal það tilkynnt notendum með minnst 30 daga fyrirvara.

3. gr.

Ábyrgð

Aflarinn ber enga ábyrgð gagnvart notendum og starfsemi þeirra. Aflarinn gefur aðeins kost á hugbúnaði sem er ætlaður til að einfalda skil á afladagbók. Misbrestur notenda á lagaskyldum sínum er Aflaranum óviðkomandi.

4. gr.

Notkun

Notendum er aðeins heimilt að nota hugbúnað Aflarans með hefðbundnum hætti. Hugbúnaðurinn er hugverk sem Aflarinn einn hefur heimild til að ráðstafa.